នៅថ្ងៃអនាគត ខ្ញុំមានបំណងប្រកបអាជីវកម្មធំមួយ ហើយមានអតិថិជនច្រើនចូលទិញ។ ប៉ុន្ដែ ពេលនេះ ខ្ញុំមិនទាន់មានដើមទុនច្រើន ឬគ្រប់គ្រាន់នៅឡើយទេ។ ការលើកឡើងនៃមតិរបស់មនុស្សភាគច្រើន ប៉ុន្ដែ យើង សូមចោទសួរទៅវិញថា តើទាល់តែមានដើមទុនច្រើន ទើបអាចប្រកបអាជីវកម្មបានមែនទេ? មនុស្សភាគច្រើនតែងតែចង់បង្កើតអាជីវកម្មដំបូងមួយដោយជោគជ័យ ប៉ុន្ដែ ពួកគេមិនដែលគិតចង់រៀន ឬស្វែងរកបទពិសោធន៍ពីអាជីវកម្មនោះឡើយ ពោលគឺចង់បានជោគជ័យភ្លាមៗ។ ចំណុចដែលមិនគួរមើលរំលង គឺយើងត្រូវរៀនធ្វើពីតូច ទៅធំ ឬពីតិច ទៅច្រើនជាមុនសិន ទៅតាមលទ្ធភាពដែលខ្លួនមាន នោះយើងនឹងបានយល់កាន់តែស៊ីជម្រៅពីការធ្វើអាជីវកម្ម និងអាចបន្តការពង្រីកខ្លួនកាន់តែធំទៅៗ។
ធ្វើតាមចំណង់ចំណូលចិត្ត ទៅតាមលទ្ធភាព
ជាការពិតណាស់ រាល់ការធ្វើអាជីវកម្មទាំងអស់មិនមែនទាល់តែមានដើមទុនរាប់ម៉ឺនដុល្លារ ទើបអាចធ្វើបាននោះទេ។ ផ្ទុយទៅវិញ យើងត្រូវចេះប្រើប្រាស់ចំណង់ចូលចិត្ត ( Passion) របស់ខ្លួន ប្រកបដោយភាពច្នៃប្រឌិត ស្របទៅតាមលទ្ធភាពដែលខ្លួនមាន ដើម្បីសម្រេចក្ដីស្រមៃក្នុងជីវិត ពោលគឺ ប្រសិនបើអ្នកចង់បើកហាងកាហ្វេ ភោជនីដ្ឋាន ឬអាជីវកម្មអ្វីមួយនោះ សូមចាប់ផ្ដើមធ្វើវាពីឥឡូវតទៅជាមួយនឹងដើមទុនសមល្មមដែលខ្លួនមាន ដោយមិនត្រូវរង់ចាំទាល់តែមានដើមទុនច្រើនហូរហៀរទើបអាចចាប់ផ្ដើមបាននោះទេ។ អ្នកគួរតែ ធ្វើវាពីដើមទុនតិច ជាមួយហាងតូចល្មម ព្រោះវាងាយស្រួលក្នុងការគ្រប់គ្រង និងអាចដកស្រង់បទពិសោធន៍បានយ៉ាងល្អពីអាជីវកម្មនោះ មុននឹងយើងឈានទៅការពង្រីកខ្លួននៅលើទីផ្សារ។ ដូចទៅនឹងប្រសាសន៍របស់លោកស្រី សុខ ចិន្តា ដែលជាអគ្គនាយិកាគ្រប់គ្រងក្រុមហ៊ុនជាច្រើននៅកម្ពុជា ដូចជា ANANA , Mekongnetç FullHouse និង SunCity ធ្លាប់បានប្រាប់ទស្សនាវដ្ដី ពាណិជ្ជកម្មកម្ពុជាថា “ការឈានជើងចូលក្នុងអាជីវកម្មដំបូងរបស់ខ្ញុំ កាលនោះខ្ញុំមានដើមទុនត្រឹមតែ២០ដុល្លារប៉ុណ្ណោះ” ។ លោកស្រីបន្តថា “ ដើមទុនតិច ឬច្រើនមិនមែនជាបញ្ហាសំខាន់នោះទេ ផ្ទុយទៅវិញគឺការតាំងចិត្ត និងជំនះធ្វើវា រួមផ្សំនឹងការចេះឆក់ចាប់យកឱកាសទីផ្សារ។” ជាមួយគ្នានេះដែរ ស្ថិតក្នុងកិច្ចសម្ភាសដោយផ្ទាល់ជាមួយទស្សនាវដ្ដីពាណិជ្ជកម្មកម្ពុជា លោកស្រី អេង សម្ផស្ស ជាម្ចាស់ហាង សម្ផស្សបុកល្ហុង ដែលកំពុងមានភ្ញៀវចេញចូលមិនស្រាកស្រានបានប្រាប់ឲ្យដឹងថា ការបើកហាងដំបូងរបស់លោកស្រីគឺធ្វើឡើងតែពីរនាក់ប្ដីប្រពន្ធប៉ុណ្ណោះ ដែលកាលនោះគាត់មានដើមទុនត្រឹមតែ ១០០០ ទៅ២០០០ ដុល្លារប៉ុណ្ណោះ សម្រាប់រកស៊ីជាមួយនឹងហាងតូចមួយ មានតុតែ៦ប៉ុណ្ណោះ រហូតមកទល់ពេលនេះ លោកស្រីបានពង្រីកហាងបានធំជាងមុនរហូតដល់ទៅ៣៤តុ និងមានការគាំទ្រពីភ្ញៀវជាច្រើនលើសលុប។ លោកស្រីបន្តថា ភាពជោគជ័យនេះ គឺផ្ដើមចេញពីការស្រឡាញ់នូវមុខរបរនេះ គួបផ្សំនឹងការអត់ធ្មត់ព្យាយាមខ្ពស់ទើបអាចសម្រេចបាន។ ទន្ទឹមនឹងនេះ តាមសម្ដីរបស់លោក Blake Mycoskie ជាស្ថាបនិកក្រុមហ៊ុនលក់ស្បែកជើង Toms បានលើកឡើងថា “ សូមធ្វើអ្វីដោយផ្តោតទៅលើចំណង់ចំណូលចិត្តរបស់អ្នក នោះរឿងផ្សេងទៀតគ្មានបញ្ហា” ។ លោក Blake Mycoskie គឺជាអ្នកបង្កើតគំនិត One for One ដែលជាគម្រោងមួយជួយដល់ក្មេងៗអនាថានៅប្រទេស Argentina ដែលគ្មានស្បែកជើងពាក់។ ហើយគម្រោងមួយនេះ បានធ្វើឲ្យលោក បានក្លាយជា សហគ្រិនដ៏ជោគជ័យម្នាក់ជាមួយការបង្កើតក្រុមហ៊ុនថ្មីៗជាច្រើន ក្រោយពីពង្រីកខ្លួនពីក្រុមហ៊ុនលក់ស្បែកជើងធម្មតា។ ទស្សនៈលោក Blake Mycoskie ក៏មានអត្ថន័យស្រដៀងនឹងសម្ដីមាសរបស់ស្ដេចបច្ចេកវិទ្យាដែលពិភពលោកមិនអាចភ្លេចបាន គឺលោក Steve Jobs ដែរថា “ យុទ្ធសាស្ត្រតែមួយគត់ដើម្បីធ្វើការងារឲ្យបានល្អប្រពៃ គឺត្រូវស្រឡាញ់នូវអ្វីដែលអ្នកធ្វើ បើសិនអ្នកគ្មានសេចក្ដីស្រឡាញ់ចំពោះការងារនោះទេ សូមបន្តស្វែងយល់ពីវាបន្ថែមទៀត កុំធ្វើទាំងមិនពេញចិត្ត។ “
សិក្សាពីអតិថិជន ទីផ្សារ និងធ្វើការកំណត់តម្លៃ
នេះគឺជាចំណុចដ៏សំខាន់មុននឹងការចាប់ផ្ដើមប្រកបរាល់អាជីវកម្មទាំងអស់។ តាមបទពិសោធន៍របស់លោកស្រី អេង សម្ផស្ស ក្នុងការបើកហាងលក់បុកល្ហុង បាយដំនើប ស្លាបមាន់អាំង និងអាហារកម្មង់អស់រយៈពេល៤ឆ្នាំកន្លះកន្លងមកនេះ បានឲ្យដឹងថា ដំបូងមុននឹងការចាប់ផ្ដើមអាជីវកម្មលោកស្រី និងស្វាមីបានសិក្សាពីប្រភេទអតិថិជន ទីផ្សារ និងការកំណត់តម្លៃជាដើម។ លោកស្រីបន្ថែមថា លោកស្រី និងស្វាមីបានចូលទៅញ៉ាំអាហារនៅក្នុងហាងតូចធំជាច្រើននៅភ្នំពេញ ដើម្បីស្វែងយល់ពីរសជាតិនៃអាហារ និងសិក្សាពីប្រភេទអតិថិជន។ បន្ទាប់ពីបានសិក្សារួចហើយលោកស្រីសម្រេចចិត្តធ្វើការកំណត់តម្លៃឲ្យត្រូវទៅតាមលទ្ធភាពនៃប្រជាជនក្នុងតំបន់បច្ចុប្បន្ន គួបផ្សំនឹងបច្ចេកទេសបុកល្ហុងដែលគាត់បានរៀនពីប្រទេសថៃ។ ម្យ៉ាងទៀត អាចថាវាជាឱកាសទីផ្សារល្អសម្រាប់គាត់ ព្រោះពេលនោះពុំទាន់មានឃើញមានហាងលក់អាហារប្រភេទនេះ មាន នៅកម្ពុជានៅឡើយ ដូច្នេះ ទើបគាត់សម្រេចចិត្តបើកហាងបុកល្ហុងនេះឡើង ដែលដំបូងមានត្រឹមតែ៦តុប៉ុណ្ណោះ ប៉ុន្តែឥឡូវមានរហូតដល់៣៤តុ។
ពង្រឹងសមត្ថភាពជាមុនសិន មុននឹងឈានដល់ការពង្រីកខ្លួន
សព្វថ្ងៃមានអាជីវកម្មមួយចំនួនពេលបានទទួលជោគជ័យ ឬមានការគាំទ្រពីអតិថិជនច្រើនហើយ ពួកគេតែងតែពង្រីកខ្លួន ដូចជាការបើកសាខាបន្ថែមជាដើម។ ដោយឡែក តាមលោកស្រី អេង សម្ផស្សបានលើកឡើងថា រាល់អាជីវកម្មទាំងអស់ត្រូវសម្លឹងមើលពីសមត្ថភាពរបស់ខ្លួន (ធនធានមនុស្ស) ជាមុនសិនមុននឹងសម្រេចចិត្តពង្រីកសាខាបន្ថែមទៀត ជាពិសេសគឺមុខរបរលក់អាហារហូបចុកនេះតែម្ដង ព្រោះប្រសិនបើអ្នកមិនមានសមត្ថភាព ឬធនធានមនុស្សគ្រប់គ្រាន់ដើម្បីបំពេញតម្រូវការភ្ញៀវនោះទេ អ្នកមិនត្រឹមតែមិនទទួលបានជោគជ័យសម្រាប់សាខាថ្មីនោះទេ ហើយវាក៏អាចជិះឥទិ្ធពលដល់ហាងចាស់របស់អ្នកផងដែរ។ ជាក់ស្ដែង ការធ្វេសប្រហែសធ្វើឲ្យបាត់បង់រសជាតិ គឺជាបញ្ហាដ៏សំខាន់បំផុតដែលម្ចាស់ហាងអាហារ ឬភោជនីដ្ឋានទាំងអស់ត្រូវមានការយកចិត្តទុកដាក់ខ្ពស់ ព្រោះវានឹងធ្វើឲ្យអ្នកបរិភោគលែងមានភាពជឿជាក់ និងធ្វើឲ្យបាត់បង់អតិថិជន។
ធ្វើតាមចំណង់ចំណូលចិត្ត ទៅតាមលទ្ធភាព
ជាការពិតណាស់ រាល់ការធ្វើអាជីវកម្មទាំងអស់មិនមែនទាល់តែមានដើមទុនរាប់ម៉ឺនដុល្លារ ទើបអាចធ្វើបាននោះទេ។ ផ្ទុយទៅវិញ យើងត្រូវចេះប្រើប្រាស់ចំណង់ចូលចិត្ត ( Passion) របស់ខ្លួន ប្រកបដោយភាពច្នៃប្រឌិត ស្របទៅតាមលទ្ធភាពដែលខ្លួនមាន ដើម្បីសម្រេចក្ដីស្រមៃក្នុងជីវិត ពោលគឺ ប្រសិនបើអ្នកចង់បើកហាងកាហ្វេ ភោជនីដ្ឋាន ឬអាជីវកម្មអ្វីមួយនោះ សូមចាប់ផ្ដើមធ្វើវាពីឥឡូវតទៅជាមួយនឹងដើមទុនសមល្មមដែលខ្លួនមាន ដោយមិនត្រូវរង់ចាំទាល់តែមានដើមទុនច្រើនហូរហៀរទើបអាចចាប់ផ្ដើមបាននោះទេ។ អ្នកគួរតែ ធ្វើវាពីដើមទុនតិច ជាមួយហាងតូចល្មម ព្រោះវាងាយស្រួលក្នុងការគ្រប់គ្រង និងអាចដកស្រង់បទពិសោធន៍បានយ៉ាងល្អពីអាជីវកម្មនោះ មុននឹងយើងឈានទៅការពង្រីកខ្លួននៅលើទីផ្សារ។ ដូចទៅនឹងប្រសាសន៍របស់លោកស្រី សុខ ចិន្តា ដែលជាអគ្គនាយិកាគ្រប់គ្រងក្រុមហ៊ុនជាច្រើននៅកម្ពុជា ដូចជា ANANA , Mekongnetç FullHouse និង SunCity ធ្លាប់បានប្រាប់ទស្សនាវដ្ដី ពាណិជ្ជកម្មកម្ពុជាថា “ការឈានជើងចូលក្នុងអាជីវកម្មដំបូងរបស់ខ្ញុំ កាលនោះខ្ញុំមានដើមទុនត្រឹមតែ២០ដុល្លារប៉ុណ្ណោះ” ។ លោកស្រីបន្តថា “ ដើមទុនតិច ឬច្រើនមិនមែនជាបញ្ហាសំខាន់នោះទេ ផ្ទុយទៅវិញគឺការតាំងចិត្ត និងជំនះធ្វើវា រួមផ្សំនឹងការចេះឆក់ចាប់យកឱកាសទីផ្សារ។” ជាមួយគ្នានេះដែរ ស្ថិតក្នុងកិច្ចសម្ភាសដោយផ្ទាល់ជាមួយទស្សនាវដ្ដីពាណិជ្ជកម្មកម្ពុជា លោកស្រី អេង សម្ផស្ស ជាម្ចាស់ហាង សម្ផស្សបុកល្ហុង ដែលកំពុងមានភ្ញៀវចេញចូលមិនស្រាកស្រានបានប្រាប់ឲ្យដឹងថា ការបើកហាងដំបូងរបស់លោកស្រីគឺធ្វើឡើងតែពីរនាក់ប្ដីប្រពន្ធប៉ុណ្ណោះ ដែលកាលនោះគាត់មានដើមទុនត្រឹមតែ ១០០០ ទៅ២០០០ ដុល្លារប៉ុណ្ណោះ សម្រាប់រកស៊ីជាមួយនឹងហាងតូចមួយ មានតុតែ៦ប៉ុណ្ណោះ រហូតមកទល់ពេលនេះ លោកស្រីបានពង្រីកហាងបានធំជាងមុនរហូតដល់ទៅ៣៤តុ និងមានការគាំទ្រពីភ្ញៀវជាច្រើនលើសលុប។ លោកស្រីបន្តថា ភាពជោគជ័យនេះ គឺផ្ដើមចេញពីការស្រឡាញ់នូវមុខរបរនេះ គួបផ្សំនឹងការអត់ធ្មត់ព្យាយាមខ្ពស់ទើបអាចសម្រេចបាន។ ទន្ទឹមនឹងនេះ តាមសម្ដីរបស់លោក Blake Mycoskie ជាស្ថាបនិកក្រុមហ៊ុនលក់ស្បែកជើង Toms បានលើកឡើងថា “ សូមធ្វើអ្វីដោយផ្តោតទៅលើចំណង់ចំណូលចិត្តរបស់អ្នក នោះរឿងផ្សេងទៀតគ្មានបញ្ហា” ។ លោក Blake Mycoskie គឺជាអ្នកបង្កើតគំនិត One for One ដែលជាគម្រោងមួយជួយដល់ក្មេងៗអនាថានៅប្រទេស Argentina ដែលគ្មានស្បែកជើងពាក់។ ហើយគម្រោងមួយនេះ បានធ្វើឲ្យលោក បានក្លាយជា សហគ្រិនដ៏ជោគជ័យម្នាក់ជាមួយការបង្កើតក្រុមហ៊ុនថ្មីៗជាច្រើន ក្រោយពីពង្រីកខ្លួនពីក្រុមហ៊ុនលក់ស្បែកជើងធម្មតា។ ទស្សនៈលោក Blake Mycoskie ក៏មានអត្ថន័យស្រដៀងនឹងសម្ដីមាសរបស់ស្ដេចបច្ចេកវិទ្យាដែលពិភពលោកមិនអាចភ្លេចបាន គឺលោក Steve Jobs ដែរថា “ យុទ្ធសាស្ត្រតែមួយគត់ដើម្បីធ្វើការងារឲ្យបានល្អប្រពៃ គឺត្រូវស្រឡាញ់នូវអ្វីដែលអ្នកធ្វើ បើសិនអ្នកគ្មានសេចក្ដីស្រឡាញ់ចំពោះការងារនោះទេ សូមបន្តស្វែងយល់ពីវាបន្ថែមទៀត កុំធ្វើទាំងមិនពេញចិត្ត។ “
សិក្សាពីអតិថិជន ទីផ្សារ និងធ្វើការកំណត់តម្លៃ
នេះគឺជាចំណុចដ៏សំខាន់មុននឹងការចាប់ផ្ដើមប្រកបរាល់អាជីវកម្មទាំងអស់។ តាមបទពិសោធន៍របស់លោកស្រី អេង សម្ផស្ស ក្នុងការបើកហាងលក់បុកល្ហុង បាយដំនើប ស្លាបមាន់អាំង និងអាហារកម្មង់អស់រយៈពេល៤ឆ្នាំកន្លះកន្លងមកនេះ បានឲ្យដឹងថា ដំបូងមុននឹងការចាប់ផ្ដើមអាជីវកម្មលោកស្រី និងស្វាមីបានសិក្សាពីប្រភេទអតិថិជន ទីផ្សារ និងការកំណត់តម្លៃជាដើម។ លោកស្រីបន្ថែមថា លោកស្រី និងស្វាមីបានចូលទៅញ៉ាំអាហារនៅក្នុងហាងតូចធំជាច្រើននៅភ្នំពេញ ដើម្បីស្វែងយល់ពីរសជាតិនៃអាហារ និងសិក្សាពីប្រភេទអតិថិជន។ បន្ទាប់ពីបានសិក្សារួចហើយលោកស្រីសម្រេចចិត្តធ្វើការកំណត់តម្លៃឲ្យត្រូវទៅតាមលទ្ធភាពនៃប្រជាជនក្នុងតំបន់បច្ចុប្បន្ន គួបផ្សំនឹងបច្ចេកទេសបុកល្ហុងដែលគាត់បានរៀនពីប្រទេសថៃ។ ម្យ៉ាងទៀត អាចថាវាជាឱកាសទីផ្សារល្អសម្រាប់គាត់ ព្រោះពេលនោះពុំទាន់មានឃើញមានហាងលក់អាហារប្រភេទនេះ មាន នៅកម្ពុជានៅឡើយ ដូច្នេះ ទើបគាត់សម្រេចចិត្តបើកហាងបុកល្ហុងនេះឡើង ដែលដំបូងមានត្រឹមតែ៦តុប៉ុណ្ណោះ ប៉ុន្តែឥឡូវមានរហូតដល់៣៤តុ។
ពង្រឹងសមត្ថភាពជាមុនសិន មុននឹងឈានដល់ការពង្រីកខ្លួន
សព្វថ្ងៃមានអាជីវកម្មមួយចំនួនពេលបានទទួលជោគជ័យ ឬមានការគាំទ្រពីអតិថិជនច្រើនហើយ ពួកគេតែងតែពង្រីកខ្លួន ដូចជាការបើកសាខាបន្ថែមជាដើម។ ដោយឡែក តាមលោកស្រី អេង សម្ផស្សបានលើកឡើងថា រាល់អាជីវកម្មទាំងអស់ត្រូវសម្លឹងមើលពីសមត្ថភាពរបស់ខ្លួន (ធនធានមនុស្ស) ជាមុនសិនមុននឹងសម្រេចចិត្តពង្រីកសាខាបន្ថែមទៀត ជាពិសេសគឺមុខរបរលក់អាហារហូបចុកនេះតែម្ដង ព្រោះប្រសិនបើអ្នកមិនមានសមត្ថភាព ឬធនធានមនុស្សគ្រប់គ្រាន់ដើម្បីបំពេញតម្រូវការភ្ញៀវនោះទេ អ្នកមិនត្រឹមតែមិនទទួលបានជោគជ័យសម្រាប់សាខាថ្មីនោះទេ ហើយវាក៏អាចជិះឥទិ្ធពលដល់ហាងចាស់របស់អ្នកផងដែរ។ ជាក់ស្ដែង ការធ្វេសប្រហែសធ្វើឲ្យបាត់បង់រសជាតិ គឺជាបញ្ហាដ៏សំខាន់បំផុតដែលម្ចាស់ហាងអាហារ ឬភោជនីដ្ឋានទាំងអស់ត្រូវមានការយកចិត្តទុកដាក់ខ្ពស់ ព្រោះវានឹងធ្វើឲ្យអ្នកបរិភោគលែងមានភាពជឿជាក់ និងធ្វើឲ្យបាត់បង់អតិថិជន។
.png "English"){kind=small}
