កម្ពុជានឹងមានសាលាបង្រៀន ជំនាញផែ្នកអាកាសចរណ៍ស៊ីវិល ក្រោមជំនួយពីកូរ៉េខាងត្បូង

ប្រទេសកម្ពុជាគ្រោងនឹងបង្កើតឡើងនូវមជ្ឈមណ្ឌលអាកាសចរណ៍ស៊ីវិលលើកដំបូងមួយដែលមិនធ្លាប់​មាន ក្រោមការការបណ្តុះបណ្តាល និងផ្ដល់ជំនួយដោយប្រទេសកូរ៉េខាងត្បូង​ក្នុងគោល បំណង​​ដើម្បី​បង្កើនដល់ការ​អភិវឌ្ឍ​នៃវិស័យឧស្សាហកម្ម ទេសចរណ៍ និងការដឹកជញ្ជូន តាមផ្លូវ​អាកាស។ ក្នុងនោះ កូរ៉េខាងត្បូងបានផ្ដល់​នូវទឹកប្រាក់ជំនួយឥត​សំណងចំនួន​១០,១លានដុល្លារ​អាមេរិកសម្រាប់រៀប​ចំ​លើ​គម្រោងមួយនេះ ដែលការ​សាងសង់នឹងចាប់ផ្តើមនៅឆ្នាំ២០១៤ មាន​បរិវេន​ខាងកើតអាកាសយាន្ដដ្ឋាន​អន្តរជាតិភ្នំពេញ​ក្នុងផ្ទះដី​ចំនួន៨០០០ម៉ែត្រការ៉េ ហើយគ្រោងនឹង​បញ្ចប់ជាស្ថាពរនៅឆ្នាំ២០១៧។