ក្រុមហ៊ុន Samsung បង្ហាញវត្តមានទូរស័ព្ទម៉ូដែលប្លែកគេ

ក្រោយពីក្រុមហ៊ុន Apple បានចេញលក់ទូរស័ព្ទ iPhone 5S & 5C នៅលើទីផ្សារ​កាលពីខែ​មុន​រួច​មក ឥឡូវនេះ ក្រុមហ៊ុន Samsung ក៏បានបង្ហាញនូវទូរស័ព្ទ Smartphone របស់ខ្លួនដែលមាន​រាង​កោងប្លែក​ខុស​ពីទូរស័ព្ទ​ដទៃទៀត នោះគឺទូរស័ព្ទ Samsung Galaxy Round ។ ទូរស័ព្ទម៉ូដែលនេះ គឺទើបតែមាន​ដាក់លក់​នៅលើទីផ្សារក្នុងប្រទេសកូរ៉េអំឡុងពេលថ្មីៗនេះប៉ុណ្ណោះ ដែលមានតម្លៃ ១,០៩លានវ៉ុន (១០១៣ដុល្លារអាមេរិក)។ បើតាមអ្នកវិភាគ បានឲ្យដឹងថា ទូរស័ព្ទម៉ូដែលថ្មីនេះ គឺ​បាន​បំពាក់អេក្រង់​ប្រភេទ OLED panel​ ទំហំ ៥,៧អ៊ីង ជាមួយនឹង CPU ប្រភេទ quad-core ២,៣ GHz និងមាន RAM ទំហំ ៣ GB ព្រមទាំងកាមេរ៉ាទំហំ១៣ មេហ្គាភិចសែលផងដែរ៕