អាជីវកម្មអ្នក គួរបោះបង់ ឬបន្តទៀត?

“អាជីវកម្មអ្នកបរាជ័យមិនមែនអ្វីចម្លែកទេ តែបើអាជីវកម្មអ្នកជោគជ័យទើបជារឿងចម្លែក”​ លោក ឌិន សុមេធារិទ្ធ

ខណៈដែលអាជីវកម្មអ្នកកាន់តែធ្លាក់ដុនដាបពីមួយថ្ងៃទៅមួយថ្ងៃ តើក្នុងនាមអ្នកជាម្ចាស់អាជីវកម្ម ធ្លាប់​គិត​ថា​ចង់បោះបង់ ឬលក់វាបន្តទៅឲ្យអ្នកដទៃដែរ ឬទេ? ជាការពិតណាស់ នៅពេលដែល​អ្នកដើរ​ដល់ផ្លូវ​មួយ​ដែល​ងងឹតមើលអ្វីមិនឃើញសោះ នោះអ្នកនឹងពិបាកសម្រេចចិត្តថាគួរបន្តដំណើរទៅមុខ ឬឈប់ត្រឹម​នោះ​ដើម្បី​ត្រលប់ក្រោយ។ ឆ្លើយតបនឹងបញ្ហានេះ លោក ឌិន សុមេធារិទ្ធនាយកប្រតិបត្តិសណ្ឋាគារ Frang​gip​ani Villa ធ្លាប់បានលើកឡើងថា ការរកស៊ីខាតស្ទើរតែក្លាយ​ជាទម្លាប់មួយ​ទៅហើយ​សម្រាប់​សហគ្រិន ដូច្នេះ វាគ្មានអ្វីចោទជាបញ្ហាធំដុំនោះទេ។ លោកបន្តថា អាជីវកម្មចំនួន១០០ នឹងត្រូវប្រឈម​មុខនឹងការ​ក្ស័យធន​ចំនួន​៩០ក្នុងរយៈពេល៥ឆ្នាំក្រោយ ហើយក្នុងចំណោមអាជីវកម្ម១០ដែល​នៅសល់នឹ​ងត្រូវ​ប្រឈម​មុខនឹង​ការក្ស័យធនចំនួន៩ទៀតក្នុងរយៈពេល៥ឆ្នាំបន្ទាប់ទៀត។

នេះសរបញ្ជាក់ឲ្យឃើញថា ភាគរយនៃអ្នកបរាជ័យ​ក្នុងអាជីវកម្ម គឺមានចំនួនច្រើនជាងអ្នកជោគជ័យ ហេតុនេះ អ្នកត្រូវគិតថាទោះបីជាអ្នកបរាជ័យក៏ស្ថិតក្នុង​ចំណោម​​ភាគរយ​ច្រើន​នៃអ្នក​ឯទៀតដែរ ហើយមិន​ត្រូវ​បាកទឹកចិត្តនោះទេ។

ទោះជាយ៉ាងណា អ្នកត្រូវតែក្លាហានក្នុងការសម្រេចចិត្តនៅពេលដែលអ្នកយល់ថា អ្នកលែង​អាច​​បន្ត​​អាជីវកម្ម​របស់ខ្លួនបានតទៅទៀត។ ប៉ុន្ដែ មុននឹងសម្រេ​ច​ចិត្តបោះបង់​អ្នកគួរតែធ្វើវា​ធ្វើវាឲ្យអស់​ពីលទ្ធភាព​របស់​ខ្លួន និងស្វែងរកដំណោះស្រាយនានាតាមតែអាចធ្វើបាន ដូចជា ស្វែងរកអ្នកជំនាញ​ឲ្យផ្ដល់យោបល់ ឬមធ្យោ​បាយ​ល្អៗសម្រាប់កែសម្រួលដល់អាជីវកម្មអ្នក ឬជម្រើសមួយទៀត គឺ ធ្វើកំណែប្រែរចនាសម្ព័ន្ធ​ក្នុងក្រុម​ហ៊ុនអ្នក (Restructure)។

អានលម្អិតនៅទស្សនាវដ្ដីពាណិជ្ជកម្ម កម្ពុជាលេខទី១៧