យោងតាមគេហទំព័រ Reuter បានឱ្យដឹងថា កម្ពុជា និងមីយ់ា់ន់ម៉ាបាននឹងកំពុងធ្វើការសម្រុក
ដឹកជញ្ជូនទិន្នផលស្រូវរាប់រយរាប់ពាន់តោន តាមឡានកុងតាន័រ ឡានដឹកទំនិញ
និងរទេះ ចូលទៅក្នុងប្រទេសថៃ ទោះបីជាប្រទេសនេះកំពុងតែទទួលបានការស្តុកទុកគ្រប់គ្រាន់ក៏ដោយ។
ជាសមមូល ក្នុងមួយឆ្នាំទិន្នផលស្រូវសរុបប្រមាណជា
៧៥០,០០០ តោនត្រូវបាននាំចូលក្នុងប្រទេសថៃ ដែលភាគច្រើនគឺនាំមានការនាំចូលពីប្រទេសកម្ពុជា
និងមីយ៉ាន់ម៉ា។ នេះបើយោងតាមការប៉ាន់ស្មានរបស់អ្នកវិភាគពាណិជ្ជកម្មដែលបានសិក្សាលើការនាំចេញនេះ។
ទទឹមនេះ តម្លៃស្រូវ ក្នុងស្រុក របស់ប្រទេសថៃគឺមានតម្លៃ៤៨០ដុល្លារអាមេរិកក្នុងមួយតោន
រីឯអង្ករវិញគឺ៧៥០ដុល្លារអាមេរិកក្នុងមួយតោន។
បើយោងតាមសម្ដីរបស់ នាយកក្រុមហ៊ុនរដ្ឋសម្រាប់នាំអង្ករចេញ
ហ្គ្រីន ត្រេដ (Green Trade) លោក ថុន វីរៈ បានប្រាប់គេហទំព័រ Reuter ថា កម្ពុជាបាននាំចេញទិន្នផលស្រូវប្រមាណជា ៣០០,០០០តោន
ទៅប្រទេសថៃក្នុងឆ្នាំ២០១២មុនេះ ហើយវាមានទិន្នន័យប្រហាក់ប្រហែលគ្នាទៅនឹងឆ្នាំ២០១១ដែរ។
មូលហេតុដែលជំរុញឱ្យប្រទេសកម្ពុជា
និងមីយ៉ាន់ម៉ាប្រញាប់ប្រញាល់ក្នុងការនាំចេញទិន្នផលស្រូវចូលទៅកាន់ប្រទេសថៃ
គឺដោយសារតែគោលនយោបាយរបស់ប្រទេសនេះ ធ្វើឱ្យតម្លៃស្រូវក្នុងស្រុកមានការកើនឡើងទ្វេដង។
ជាហេតុធ្វើឱ្យកសិករ និងឈ្មួញនៅប្រទេសជិតខាង កំពុងព្យាយាមទាញយកផលប្រយោជន៍ពីការលក់ទិន្នផលធញ្ញជាតិមួយនេះ។
ម្យ៉ាងទៀត ដោយសារប្រភេទស្រូវដែលនាំចេញពីកម្ពុជា គឺមិនមានភាពខុសគ្នាពីប្រភេទស្រូវក្នុងស្រុករបស់ថៃ
ដូច្នេះវាកាន់តែធ្វើឱ្យការដាក់ដំណើរការនៅលើទីផ្សារកាន់តែងាយស្រួល។
.png "English"){kind=small}
