វិធីទាំង ៥ យ៉ាងជួយទប់ស្កាត់ មេរោគឆ្លងចូល Windows 7

តើលោកអ្នកធ្លាប់គិតថា ប្រើ Windows 7 បែបណា ដើម្បីកុំឲ្យឆ្លង Virus នោះទេ? ដើម្បីឲ្យលោកអ្នកអស់ចម្ងល់ក្រុម ការងារទស្សនាវដ្តី ទូរស័ព្ទ សូមលើកយកគន្លឹះខ្លីៗទាំង ៥ យ៉ាងក្នុងការទប់ស្កាត់ការឆ្លងចូលពីពពួក Virus ដូចជា Autorun, Spyware, Worm… ផ្សេងៗដែលចេះតែរំខានដល់ការប្រើប្រាស់របស់លោកអ្នក​ និងបានបង្កឲ្យមានការបាត់បង់ឯកសារឬធ្វើ ឲ្យកុំព្យូទ័រមានដំណើរការយឺជាសព្វដងនោះ។
របៀបអនុវត្តន៍
១. បិទរាល់កម្មវិធីទាំងអស់ដែល AutoPlay លើ Windows 7
ដំបូងបង្អស់ពេលដែរលោកអ្នកដំឡើង Windows 7 រួចសូមចុច Start -> Search Programs & File បន្ទាប់មកវាយ AutoPlay -> Enter នឹងបង្ហាញផ្ទាំង AutoPlay បន្ទាប់មកជ្រើសរើស Take no action លើ Software and games រួចដក Ticks ចេញពី Use AutoPlay for all media and devices -> Save ជាការស្រេច។

២. បិទ Autorun ទាំងអស់ទាំងរបស់ User និង Computer
ដោយចូលទៅកាន់ Start -> Search Programs & File បន្ទាប់មកវាយ gpedit.msc -> Enter នឹងបង្ហាញផ្ទាំង Local Group Policy Editor បន្ទាប់មកចុចលើ Local Computer Policy -> Administrative Templates -> Windows Components -> AutoPlay Policy -> Turn off AutoPlay បន្ទាប់មកវានឹងបើកផ្ទាំង Turn off AutoPlay សូមចុច Enable បន្ទាប់មកច្រើសរើស All drives កន្លែង​ Turn off AutoPlay on: -> Apply -> OK ជាការស្រេច។

ចំណាំៈ របៀបបិទ Autorun លើ User ដូចគ្នាជាមួយ Computer ដែរដូច្នេះលោកអ្នកគ្រាន់តែចុចលើ Local User Policy រួចធ្វើដូចគ្នាជាការស្រេច។
៣. ត្រូវបើកបង្ហាញរាល់ឯកសារទាំងអស់នៅលើកុំព្យូទ័ររួមទាំង Extension
ដំបូងសូមបើ Windows Explorer -> Organize -> Folder and Search options បន្ទាប់មកវានឹងបង្ហាញផ្ទាំង Folder Options -> View រួចចុចលើ Show hidden Files, Folders, and drives បន្ទាប់មកដក Ticks ពី Hide Empty drives in the computer folder និង Hide extensions for Known file types រួចចុច Apply ហើយ OK ជាការស្រេច។

៤. របៀបប្រើប្រាស់កុំឲ្យ Virus ឆ្លងចូលទៅក្នុងកុំព្យូទ័របាន
នៅពេលដែលលោកអ្នកប្រើ Flash ឬក៏ប្រើ HDD External នោះ នៅពេលចូលទៅកាន់ Drives សូមចូលតាម Tree Explorer ពេលនោះវានឹងបង្ហាញរាល់ Virus ដូចជា Autorun, Folder.exe, Sortcut, និងឯកសារ hidden ជាច្រើនទៀត បន្ទាប់មកលោកអ្នកចុច Delete វាចោលជាការស្រេច។

៥. ប្រើប្រាស់នូវកម្មវិធីកំចាត់ Virus ដែលមាន license
ដើម្បីឲ្យការប្រើប្រាស់កាន់តែធានាប្រសិទ្ធភាព និងសុវត្ថភាពសូមលោកអ្នកប្រើនូវកម្មវិធីកំចាត់ Virus បន្ថែមដូចជាកម្មវិធី Kaspersky Antivirus, Kaspersky Internet Security ដែលជាកម្មវិធីមាន License ច្បាស់លាស ដើម្បីចៀសវាការធ្វៀសប្រហែស​​ឬការឆ្លងចូលតាមរយៈ Internet ៕