Happy Cambodia ៖ បន្ទាប់ពីប្រកាសទិញផ្ទះតម្លៃ៤១ម៉ឺនដុល្លារសហរដ្ឋអាមេរិក គួរឲ្យភ្ញាក់ផ្អើលមក នៅពេលនេះ តារាចម្រៀងបង្គោល របស់ផលិតកម្មថោន លោក ករុណា ពេជ្រ បានធ្វើឲ្យប្រិយមិត្តទស្សនិកជនមានការភ្ញាក់ផ្អើលជាថ្មីម្តងទៀត នៅពេលសុខៗស្រាប់តែមានរូបថតរបស់លោករៀបមង្គលការក្រាបផ្ទឹមជាមួយនារីស្រស់សោភាម្នាក់លេចធ្លាយលើបណ្តាញសង្គមហ្វេសប៊ុក។ មានសំណួរ ជាច្រើនបានចោទសួរថា តើតារាចម្រៀងរូបនេះមានអាថ៌កំបាំងស្នេហាយ៉ាងណាបានជាសុខៗរៀបការលាក់លាមបែបនេះ? អ្នកខ្លះបានចោទសួរថា តើ ករុណា ពេជ្រ ពិតជារៀបការមែនឬ? ហើយអ្នកខ្លះបានដាក់ការសង្ស័យថា ករុណា ពេជ្រ ពិតជាធ្លាប់ឆ្លងកាត់ស្នេហាអាពាហ៍ពិពាហ៍ម្តងរួចមកហើយ បានជារូបថតរៀបមង្គលការរបស់លោកត្រូវបែកធ្លាយបែបនេះ។ ប៉ុន្តែ ទោះជាយ៉ាងណា នៅពេលនេះ ករុណា ពេជ្រ មិនបានឆ្លើយតបនឹងសំណួររបស់អ្នកគាំទ្ររបស់លោកឡើយ ដោយលោកធ្វើហាក់ដូចជាចង់គេចវេសមិនចង់ឆ្លើយ។ ប៉ុន្តែទស្សនិកជនមួយចំនួនហាក់ដូចជាមិនជឿឡើយថា ករុណា ពេជ្រ រៀបការ ដោយពួកគេយល់ថា រូបថតដែលបង្ហាញថា ករុណា ពេជ្រ រៀបការនោះគ្រាន់តែជាការថតរឿង ឬក៏ការ៉ាអូខេក្នុងបទចម្រៀងរបស់លោកតែប៉ុណ្ណោះ។ ដូច្នេះចាំមើលថា ពេលណា ករុណា ពេជ្រ ហ៊ានចេញមុខមកបកស្រាយ។
.png "English"){kind=small}
